Koha perfekte për të mbjellë lule dhe bimë

Lulet dhe bimët janë një lloj dashurie e veçantë për shumë njerëz. Është koha kur mund të admirojmë bukurinë e bimëve tona dhe të mbjellim fara të reja, të cilat me lulëzimin e tyre do të mund ta bëjnë shtëpinë të bukur. Të gjithë nxitojnë me mbjelljet e shumë luleve dhe perimeve për t'i kujtuar vetes kënaqësinë dhe magjinë e natyrës në shtëpi!

Në Megateksa shumëllojshmëria e farave që mund të përdorësh për kopshtin apo ballkonin tënd është e madhe. Janë plot 186 lloje të ndryshme farash nga të cilat mund të zgjedhësh. Ato variojnë që nga farat e luleve, frutave, perimeve e deri tek farërat cilësore për barin e kopshtit. Për të nisur me mbjelljen e farave, fillimisht na duhet dhè i pasur e cilësor (humus) si dhe nëse kemi dhè, na duhen ushqyes cilësorë për bimët e reja.

Gjatë fazës së filizit dhe rritjes së parë, çdo bimë ka nevojë për më shumë ushqyerje se zakonisht. Farat fillimisht do ti mbjellim në vazo shumë të vogla (vazo për kubikë), deri sa filizi të jetë në gjendje të transportohet, të mbillet dhe të rritet në vazon e madhe apo në tokë. Mbush mini vazot me mjaftueshëm dhe, vendoseni farën pak nën sipërfaqe (sa të mbulohet) dhe prisni me durim shpërthimin e sythit të parë. Gjatë gjithë kësaj periudhe ushqimi i humusit është i mjaftueshëm, prandaj nuk ka nevojë për ushqyes shtesë, por duhet të keni kujdes që të siguroheni që dheu në të cilin qëndron fara të jetë gjithmonë i njomë me ujë. Mund të përdorësh etiketa të vogla prej bambuje për të shënuar bimët dhe për të mos ti ngatërruar ato.