Edhe pse rimodelimi apo arredimi i banjos është një hap i cili mund të jetë shpeshherë sfidues, është gjithsesi i rëndësishëm, sidomos tani që të gjithë po shpenzojmë më shumë kohë në shtëpi. Në mënyrë që të mos lodhesh dhe të mos tejkalosh buxhetin tënd, duhet të kesh në fillim një plan të qartë dhe pajisjet e domosdoshme për arredimin e një banjoje të vogël, ku hapësira nuk është pika më e fortë. Meqënëse falë navigimit në internet mund të gjesh një gamë të gjerë produktesh lehtësisht të aksesueshme, të cilat mund të krijojnë pritshmëri të larta dhe mosrealizimi i tyre ju krijon stres të panevojshëm. Prandaj, për ta bërë banjën tënde të duket më e madhe, të vijmë në ndihmë me disa ide të thjeshta dhe praktike duke iu referuar gjithmonë trendeve të fundit botërore, për t'i dhënë pakëz stil ambientit.

 

Setet e tualetit me varje në mur janë zgjedhja e duhur për hapësira të ngushta, sidomos nëse muret e tualetit kanë mundësinë e instalimit të një sistemi inkaso. Këto lloj hidrosanitaresh i dhurojnë banjos shumë stil falë ngjyrës së bardhë të porcelanit e cila kombinohet mjaft lehtë me çdo pllakë të përdorur për veshjen e banjos.

Shumë arkitektë dhe arredues të njohur përdorin pasqyrat e murit si një mënyrë për të dyfishuar pamjen & për të krijuar idenë e të pasurit më shumë hapësirë. Pasqyrat janë gjithashtu shumë efektive në reflektimin e dritës, kështu që do të mund të merrni më shumë ndriçim.

Ideja e një vaske mund të jetë shumë tunduese por ato padyshim zënë dyfishin e hapësirës së dyshemesë se sa dushet. Kabinat e dushit janë zgjidhja perfekte për banjot e vogla, kështu që nëse mund të sakrifikosh vaskën, bëje!