Çaj bimor, me efekt parandalues e qetësues të gripit, i cili vepron kundër temperaturës së lartë, me një përzierje bimësh që përmbajnë mucilagje, vajra eterike me aromë të këndshme, glukozitë, saponina, esenca të hidhura, vitamina etj. Lulja e aguliçes dhe thundërmushka veprojnë kundër gripit të rëndë dhe kollës së vazhdueshme. Lulja e blirit dhe zhumbrica, në sajë të esencës që kanë, ndihmojnë në mjekimin e rrugëve të acaruara të frymëmarrjes. Lulet e shtogut kanë veti zbutëse, ndihmojnë djersitjen dhe lirojnë spazmat e muskulaturës së butë. Lëvorja e shelgut, në sajë të salicinës që përmban, zbërthehet në organizëm duke liruar acidin salistik, si edhe është një ndikues i mirë në uljen e temperaturës së lartë. Trëndafili i kuq ka përmbajtje të lartë vitamine C dhe përdoret për fuqizimin e organizmit. Këto bimë rekomandohen si mjekues të mirë të të ftohurit dhe bllokimit të rrugëve të frymëmarrjes që shoqërohen me temperaturë.